Оқыңыздар өте керемет жазылған.
Ибраһим мен оның әйелі Сара туралы хадисте, Перғауын Сара анамызды зорламақ болып қолын созған кезде Сара анамыз: «Уа, Аллаһ, егер мен Саған Сен талап қылғандай иман келтірген әрі Пайғамбарыңа ерген және тәнімді тек өз күйеуім үшін сақтаған болсам, онда мені мына залым патшаның зұлымдығынан құтқар», - деп дұға еткенде, Перғауынның қолы семіп қалады. Сонда Перғауын: «Аллаһқа мені босатсын деп дұға ет, мен саған ешнәрсе істемеймін», - деді (Муслим).
Ал Әбу Я'ләнің «Муснәд» кітабында келген басқа риуаятта, Перғауын: «Сен құлшылық қылатын Раббыңа дұға ет, мені босатсын», - деген. Аллаһ Сара анамызды Перғауынның зұлымынан ұлылықпен құтқарды.
Қараңыздар, Сара анамыз зорлық-зомбылыққа ұшырайын деп тұрған кезде Бір Алланың Өзіне жалбарынды. Алладан дұға қылғаны сол-ақ еді, залым Перғауынның қолдары семіп (паралич) қалды. Кім қиыншылыққа, зорлық-зомбылыққа, зұлымдыққа, әділетсіздікке жолыққан кезде Жалғыз Жаратушыға жалбарынып, дұға қылса, Аллаһ Тағала оны құтқарады. Осы хадистен біз таухидті ұстанатын кісі әрдайым Аллаға дұға қылумен болатынын көріп отырмыз.
Сондай-ақ, Сара анамыз дұға қылғаннан соң Перғауынның қолдары семіп қалды. Бірнеше сәт бұрын Перғауын әлсіз әйелді зорламақшы еді, енді ол керісінше шарасыз күйде «Аллаһқа мені босатсын деп дұға ет, мен саған ешнәрсе істемеймін» деп жалынды. Міне, таухидтің нәтижесі. Кім таухидті кемел түрде ұстанса, дұшпандар оған төменшіктеген күйі келетін болады.